არაბთა გაერთიანებულ საამიროებში პანდემიის პერიოდში საქართველოს მოქალაქეების შესვლის პირობები

 

 ზოგადი ინფორმაცია

საქართველოდან საამიროებში დაშვებულია ნებისმიერი მიზნით მგზავრობა (მას შემდეგ რაც საქართველოს მოქალაქე მიიღებს საამიროების ვიზას. საქართველოში ვიზის მიღებისას, ტურისტული კომპანიები ფასში ასევე ითვალისწინებენ, ე.წ. კოვიდ დაზღვევას).

საქართველო აბუ-დაბის საამიროსთვის შეყვანილია  ე.წ. მწვანე ქვეყნების სიაში. საქართველოდან მიმავალმა ვაქცინირებულმა და არა ვაქცინირებულმა მგზავრებმა უნდა წარადგინონ უკანასკნელი 48 საათის განმავლობაში გაკეთებული PCR ტესტი. ასევე მათ საამიროების ტერიტორიაზე შესვლისას აეროპორტში უნდა ჩაიტარონ PCR ტესტირება და აბუ-დაბის საამიროში ყოფნის მე-6 და მე-12 დღეს უნდა გაიმეორონ PCR ტესტი. PCR ტესტის წარდგენა სავალდებულოა 12 წლის ასაკიდან.

PCR ტესტის საფასურია დაახლოებით 60 ლარი (აბუ-დაბიში). (დუბაიში PCR ტესტის ღირებულება 150 ლარამდეა) მის საფასურს მოქალაქე ფარავს. კარანტინის გავლა შესაძლებელია საკუთარ ბინაშიც, სპეციალიზებულ დაწესებულებაშიც, სასტუმროშიც. უკანასკნელი ორის დაახლოებითი ღირებულებაა დღე 150 ლარი,  რომლის ხარჯიც მოქალაქემ უნდა გადაიხადოს.

კოვიდვაქცინირებულთა  ქვეყანაში შესვლის განსხვავებული პირობები ვრცელდება მხოლოდ აბუ-დაბის საამიროში. ადგილობრივი რეგულაციის თანახმად, მეორე დოზის მიღებიდან 28 დღეში ითვლება პირი სრულად ვაქცინირებულად.

დაშვებული ვაქცინებია: Pfizer-BioTech; AstraZeneca; Moderna; Sinopharm; Jamalika; Sputnik V.


 

 ტრანზიტით გავლის პირობები

სავალდებულოა გამომგზავრებამდე 72 საათის განმავლობაში ჩატარებული PCR ტესტის ნეგატიური პასუხის წარდგენა. ტრანზიტის ზონაში ყოფნისას დამატებითი PCR ტესტის გაკეთება საამიროების მხრიდან არ არის აუცილებელი. ყურადღება ექცევა მხოლოდ საბოლოო დანიშნულების ქვეყნის რეგულაციებს..


 წინასწარი რეგისტრაცია

წინასწარი რეგისტრაცია საჭიროა მხოლოდ საამიროების რეზიდენტი საქართველოს მოქალაქეებისთვის და აბუ-დაბის საამიროში მომავალი ნებისმიერ მგზავრისთვის  (ტურისტებისა და საქმიანი ვიზიტორებისთვის).

მგზავრი ამ ბმულზე https://smartservices.ica.gov.ae/echannels/web/client/guest/index.html#/registerArrivals უნდა დარეგისტრირდეს (ატვირთოს პასპორტის ასლი, ფოტო და ვაქცინაციის შესახებ ინფორმაცია) და მიიღოს სპეციალური QR კოდი ელექტრონულ ფოსტაზე, რომელიც შემდგომ ე.წ.  UID ნომერთან ერთად (მგზავრს ეძლევა UID ნომერი აეროპორტში საპასპორტო კონტროლის გავლისას) უნდა ასახოს AL Hosn აპლიკაციაში.

Al Hosn https://apps.apple.com/us/app/alhosn-uae/id1505380329 უნდა გადმოიწეროს ვიზიტორმა წინასწარ და გაიაროს რეგისტრაცია  (ეს ეხება მხოლოდ აბუ-დაბიში მიმავალ მგზავრებს).

 


 დამატებითი ინფორმაცია

გთხოვთ, გაითვალისწინოთ, რომ მგზავრობის რეგულაციები პანდემიის პერიოდში სწრაფად იცვლება. ინფორმაციის გადამოწმება შესაძლებელია შემდეგ ვებ-გვერდებზე:

ოფიციალური სამთავრობო პორტალი

დუბაის სახელმწიფო ავიაკომპანია

აბუ-დაბის ტურიზმის დეპარტამენტი


 ზემოაღნიშნულ რეგულაციებთან ერთად, ასევე მოქმედებს ქვეყანაში შესვლისათვის არსებული ზოგადი (სავიზო) მოთხოვნები.

სავიზო ინფორმაცია შეგიძლიათ იხილოთ ამ ბმულზე.

 

  განახლებულია 03.11.2021